Reason for choice is:

ይህ ጥቅስ የተመረጠበት ምክንያት ዛሬ በኢትዮጵያ ውስጥ፣ ሀገርና ከተማ እንገነባለን በሚል፣ ቢያንስ የጊዜያዊ ምትክ መጠለያን አማራጭ ማቅረብን በቅድሚያ ታሳቢ ያላደረገ፣ ሰብዓዊ ርህራሄን፣ ማህበራዊ ኃላፊነትና መንግሥታዊ ተጠያቂነት በጎደለው መልክ፣ የግለሰብ ዜጋን ህይወት የማፍረስና መበተን ሥራ በዕቅድና የዕድገት ተስፋ ስም ሲሰራ ይታያል። ይህ የቅደም ተከተል መዛባት ነው። በእርግጥም ቅደም ተከተሉ በዚህ መልክ ተዛብቶ ፍትሃዊ፣ ሰብዓዊና፣ ማህበራዊ  ኃላፊነት በጎደለው መንገድ ሀገር ልንገነባ ስንሞክር ደግሞ እጅግ አሳዛኝ ዋጋ ያስከፍላል። ጥቅሱ የወቅቱን መንግሥታዊ አስተሳሰብንና የቀዳማዊ ትኩረት መዛባት ችግርን ፍንትው አድርጎ በንፅፅር ስለሚያሳይ ተመራጭነቱ ጎልቶ ታይቷል። ይህ መድረክም ፍትሃዊ ዕድገትን በኢትዮጵያ ለማምጣት የብልፅግና ግንባታው ከግለሰብ ዜጋ መጀመሩ ቅድሚያ የሚሠጠው መርህ መሆኑን በቀላሉ ይረዳል።